Օրեր առաջ երևանյան գրախանութներից մեկից գիրք էի գնում՝ ընկերոջս նվիրելու համար: Որոշեցի գնել Կոստան Զարյանի ՛՛Նավը լեռան վրա՛՛ աշխատությունը: Գիրքը ձեռք բերելուց հետո ինձ մոտեցավ տարեց մի կին և հարց ուղղեց՝ նկատելով Կոստան Զարյանի գիրքը իմ ձեռքում, թե ինչու՞ հենց Զարյան ընտրեցի, ինչու՞մն է Զարյանի առանձնահատկությունը՝ անձամբ ինձ համար: Տարեց կնոջը բացատրեցի իմ ընտրության պատճառը մի քանի խոսքով, սակայն ավելի ուշ փորձեցի ինքս ինձ համար ավելի խորքային ձևով վերլուծել Կոստան Զարյանի առանձնահատկությունները: Իհարկե յուրաքանչյուր ընթերցող ինքն է գնահատական տալիս գրքին, դրա հեղինակին և դրա բովանդակությանը: Այսպիսի մի փոքրիկ դիտարկում էլ՝ որպես ընթերցող և Կոստան Զարյանի արվեստի մեծ սիրահար որոշեցի ես անեմ վերջինիս առանձնահատկությունների վերաբերյալ: 

Շատերիս նախնիները մազապուրծ լինելով Մեծ Եղեռնից կենդանի մնացին՝ պահպանելով մեր ազգի շարունակականությունը: Իմ պապը՝ Սարգիսը, յոթ զավակներից միակն էր, ով կարողացավ փրկվել ոճրագործությունից և 14 տարեկան հասակում բնակություն հաստատեց Ռուսաստանի Արմավիր քաղաքում: Այնուհետև տեղափոխվեց Հայաստան և բնակվեց Կիրովականում, որտեղ էլ 1970թ.-ին կնքեց իր մահկանացուն՝ սրտում ունենալով իր Երկիր վերադառնալու չիրականացված երազանքը: Պապս, ի հիշատակ իր քույրերի և եղբայրների, ովքեր զոհ գնացին Ցեղասպանությանը, յոթ զավակ ունեցավ և իր զավակներին անվանեց նրանց անուններով:

Օրեր առաջ իմ անձնական արխիվում գտա բավականին հետաքրքիր վիդեո կադրեր, որոնք ինքս եմ նկարահանել շուրջ 22 տարի առաջ հենց այս օրը: 1991թ. ապրիլի 13-ին, այն ժամանակվա Լենինի հրապարակից ապամոնտաժվեց և հանվեց Լենինի արձանը: Նկարահանումը կատարել եմ հենց այն աշխատասենյակից, որտեղ այսօր աշխատում եմ: Իսկ այդ ժամանակ վարչապետ էր Վազգեն Մանուկյանը: Այս կադրերը ներկայացնում եմ ձեր ուշադրությանը:

1998թ.-ի մի հարցազրույցում Վազգեն Սարգսյանն ասաց. «Ես այս պատերազմին տվել եմ ինչ որ կարող էի, ձեռք եմ բերել հպարտություն:

Այսօր լրանում է տաղանդաշատ կինոռեժիսոր Արտավազդ Փելեշյանի 75-ամյակը: Ժամանակակից հայկական կինեմատոգրաֆիայի ականավոր ներկայացուցչի՝ Արտավազդ Փելեշյանի ստեղծագործություններն ուրույն տեղ են գրավում ոչ միայն մեր ազգային, այլ նաև համաշխարհային կինոյի պատմության մեջ:

-Պարոն Սարգսյան,
Ե՞րբ և ինչպե՞ս բացահայտեցիք Ձեզ համար The Beatles խումբը:

Այսօր մեր ժողովրդի մեծագույն զավակներից մեկի՝ Սոս Սարգսյանի ծննդյան օրն է: Ուզում եմ տեղեկացնել, որ այսօր այցելել եմ հիվանդանոց՝ մեծանուն դերասանին: Ուրախությամբ ասեմ, որ նա ուներ բավականին բարձր տրամադրություն: Բժիշկներն ինձ տեղեկացրեցին, որ վարպետի առողջական վիճակն այսօր ավելի լավ է…

Ծնունդդ շնորհավոր, սիրելի վարպետ:

 

Երևան քաղաքի փոքր կենտրոնի կառուցապատման կանոնակարգման համար օրենսդրական առաջարկությունների, նախագծերի մշակման նպատակով ՀՀ վարչապետի որոշմամբ ստեղծվել է աշխատանքային խումբ: Օրեր առաջ կառավարությունում տեղի ունեցավ աշխատանքային խմբի առաջին հանդիպումը, որին ներկա էին քաղաքապետը, աշխատանքային խմբի անդամները, ոլորտի մասնագետներ: Հասկանալի է, որ տարբեր մոտեցումներ կան, թե ինչպիսին պետք է լինի Երևան քաղաքի կենտրոնը: